Oʻzbekiston va Ozarbayjonda yirik nufuzli sport tadbiri – 20 yoshgacha boʻlgan yoshlar oʻrtasidagi futbol boʻyicha jahon chempionatini oʻtkazish uchrashuvning asosiy mavzusi boʻldi. Toshkent shahrida federatsiyaning mintaqaviy vakolatxonasini ochish jarayonini jadallashtirishga alohida eʼtibor qaratildi.
Shavkat Mirziyoyev Xalqaro futbol assotsiatsiyalari federatsiyasi (FIFA) rahbari Janni Infantino bilan bu haqda kelishib oldi.
Ayni vaqtda Oʻzbekistonda boʻlib turgan FIFA prezidenti Janni Infantino "Grassroots" futbol festivalida ishtirok etish uchun mamlakatimiz Futbol assotsiatsiyasida boʻlib turibdi.
Prezident Shavkat Mirziyoyev Xalqaro futbol federatsiyasi rahbari Janni Infantino bilan bugun oʻtkazgan uchrashuvda mamlakatimizda futbolni ommalashtirish va yirik tadbirlarni birgalikda oʻtkazish masalalari koʻrib chiqildi. Prezident uchrashuvda mamlakatimizda FIFAning yirik tadbirlarini oʻtkazishni taklif etdi.
